ដំណើរកម្សាន្តក្នុងទីក្រុងភ្នំពេញ
- • ពិសាអាហារពេលព្រឹកនៅសណ្ឋាគារ
- • ទស្សនា វត្តភ្នំដូនពេញ គឺជាវត្តពុទ្ធសាសនិក ដែលតំណាងឲ្យឈ្មោះទីក្រុងភ្នំពេញ។ វត្តភ្នំមានកម្ពស់ ២៧ម៉ែត្រ ហើយគឺជាប្រាសាទដ៏សំខាន់បំផុតនៅក្នុងរាជធានីភ្នំពេញ។
- • ទស្សនា វិមានឯករាជ្រ ដែលត្រូវបានសាងសង់នៅឆ្នាំ ១៩៥៨ ដើម្បីរំលឹកដល់ការទាមទារឯករាជ្យរបស់កម្ពុជាពីប្រទេសបារាំងនៅឆ្នាំ ១៩៥៣
- • ទស្សនា ព្រះបរមរាជវាំងនៃព្រះរាជាណាចក្រកម្ពុជា ដែលជាព្រះរាជដំណាក់របស់ព្រះមហាក្សត្រខ្មែរ
- • ទស្សនា សាលបល្ល័ង្ក និងវត្តព្រះកែវមរកត គឺជាវត្តសម្រាប់រាជវង្សដែលតំកល់នូវបដិមាព្រះពុទ្ធ និងវត្ថុបុរាណប្រវត្តិសាស្ត្រជាច្រើនដែលមិនអាចកាត់ថ្លៃបាន រួមទាំងព្រះពុទ្ធរូបត្បូងមរកតដ៏ល្បីល្បាញផងដែរ ហើយកម្រាលឥដ្ឋគ្របដណ្ដប់ដោយក្រឡាប្រាក់ច្រើនជាង ៥០០០ កម្រាលក្រឡាប្រាក់។
- • ទស្សនា សារមន្ទីជាតិ ដែលជាសារមន្ទីរប្រវត្តិសាស្ត្រវប្បធម៌ដ៏ធំបំផុត និងជាសារមន្ទីរបុរាណវត្ថុឈានមុខគេរបស់កម្ពុជា។
- • ពិសាអាហារថ្ងៃត្រង់
- • ទស្សនា សារមន្ទីឧក្រិដ្ឋកម្មប្រល័យពូជសាសន៍ទួលស្លែង គឺជាសារមន្ទីរបង្ហាញអំពីរបបប្រល័យពូជសាសន៍កម្ពុជា។ ទីតាំងនេះគឺជាអតីតសាលាមធ្យមសិក្សាដែលត្រូវបានប្រើប្រាស់ជាគុក (ស២១) ដោយរបបខ្មែរក្រហមចាប់ពីឆ្នាំ ១៩៧៥ រហូតដួលរលំនៅឆ្នាំ ១៩៧៩។
- • ទស្សនា វាលពិឃាតជើងឯក ចម្ងាយ១៥គីឡូម៉ែត្រពីទីក្រុងភ្នំពេញ ដែលធ្លាប់ជាដីចំការ និងជាកន្លែងបញ្ចុះសពជនជាតិចិន។ វាត្រូវបានរបបខ្មែរក្រហមប្រើជាកន្លែងសម្លាប់មនុស្សរាប់ពាន់នាក់ ដោយបានដាក់នៅក្នុងផ្នូរធំៗជាមួយគ្នា នៅចន្លោះឆ្នាំ ១៩៧៥ ដល់ ១៩៧៩។
- • ពិសាអាហារពេលល្ងាច ហើយធ្វើដំណើរទៅសម្រាកនៅសណ្ឋាគារ
- • សំគាល់ៈ អ្នកត្រូវតែស្លៀកពាក់ឲ្យបានសមរម្យពេលទៅទស្សនាព្រះបរមរាជវាំង។ ខោ ឬសំពត់ត្រូវតែវែង ឬគ្របជង្គង់របស់អ្នក ហើយអាវត្រូវតែវែងជាងស្មារ ឬគ្របស្មាររបស់អ្នក និងមិនអនុញ្ញាតឲ្យពាក់អាវគ្មានដៃ ឬអាវាលក្លៀកឡើយ។
- • ជម្រើសបន្ថែម (មិនរួមបញ្ចូល) ជិះទូកកម្សាន្តពេលល្ងាចនៅចំណុចប្រសព្វនៃទន្លេមេគង្គ ទន្លេសាប និងទន្លេបាសាក់ ទលមុខព្រះបរមរាជវាំង ដើម្បីទស្សនាទេសភាពអគារដ៏ស្រស់ស្អាតជាច្រើនក្នុងទីក្រុងភ្នំពេញ។
សណ្ឋាគារនៅភ្នំពេញ
អាហារពេលព្រឹក, អាហារថ្ងៃត្រង់, អាហារពេលល្ងាច