មកដល់អាកាសយានដ្ឋានអន្តរជាតិសៀមរាបអង្គរ

• មកដល់អាកាសយានដ្ឋានអន្តរជាតិសៀមរាបអង្គរ
• ជួបទទួលស្វាគមន៍ដោយមគ្គុទ្ទេសក៍ទេសចរណ៍ភាសាអង់គ្លេស និងជូនដំណើរទៅកាន់សណ្ឋាគារក្នុងក្រុងសៀមរាប
• សម្រាកលម្ហែកាយដោយសេរី និងដើរកម្សាន្តពេលរាត្រីនៅតំបន់ Pub Street ដែលជាមជ្ឈមណ្ឌលកម្សាន្តដ៏មមាញឹកបំផុតក្នុងក្រុងសៀមរាប

សៀមរាប – អង្គរវត្ត – អង្គរវង់តូច

• ពិសារអាហារពេលព្រឹកនៅសណ្ឋាគារ
• ចាប់ផ្តើមទស្សនាប្រាសាទអង្គរវត្តដ៏ស្កឹមស្កៃ ដែលជាមហានគរវត្តដ៏ធំបំផុតក្នុងលោក។ ប្រាសាទនេះត្រូវបានកសាងឡើងនៅដើមសតវត្សទី១២ ដោយព្រះបាទសូរ្យវរ្ម័នទី២ ដើម្បីឧទ្ទិសដល់ព្រះវិស្ណុក្នុងសាសនាហិណ្ឌូ ហើយក្រោយមកបានក្លាយជាវត្តអារាមក្នុងព្រះពុទ្ធសាសនា។
• ទស្សនាប្រាសាទតាព្រហ្មដ៏អស្ចារ្យ ដែលមានភាពល្បីល្បាញដោយសារឫសឈើធំៗដុះព័ទ្ធរុំជុំវិញតួប្រាសាទ។
• ពិសារអាហារពេលថ្ងៃត្រង់នៅភោជនីយដ្ឋានដែលមានផាសុកភាព និងអនាម័យ
• ទៅទស្សនាខ្លោងទ្វារទន្លេអុំ (ខ្លោងទ្វារខាងត្បូង) នៃក្រុងអង្គរធំ ដែលជារាជធានីចុងក្រោយនៃអាណាចក្រខ្មែរ កសាងឡើងដោយព្រះបាទជ័យវរ្ម័នទី៧ នៅចុងសតវត្សទី១២។
• បន្ទាប់មក ទស្សនាប្រាសាទបាយ័ន ដែលជាប្រាសាទព្រះពុទ្ធសាសនាដ៏ប្រណីត កសាងនៅចុងសតវត្សទី១២ ឬដើមសតវត្សទី១៣ ជាប្រាសាទរដ្ឋរបស់ព្រះបាទជ័យវរ្ម័នទី៧។
• ទស្សនាប្រាសាទបាពួន ជាប្រាសាទហិណ្ឌូដែលកសាងឡើងនៅពាក់កណ្តាលសតវត្សទី១១ (មុនប្រាសាទអង្គរវត្ត)។
• ទស្សនាប្រាសាទភិមានអាកាស ដែលមានរាងជាពីរ៉ាមីត កសាងនៅចុងសតវត្សទី១០ ស្ថិតនៅក្នុងបរិវេណព្រះបរមរាជវាំងចាស់នៃក្រុងអង្គរធំ។
• ទស្សនាព្រលានជល់ដំរី ដែលជាផ្នែកមួយនៃក្រុងអង្គរធំ ប្រើប្រាស់ដោយព្រះបាទជ័យវរ្ម័នទី៧ ជាវេទិកាសម្រាប់ទតកងទ័ពដែលវិលត្រឡប់មកវិញដោយជោគជ័យ។
• បន្ទាប់មកទស្សនាព្រលានស្តេចគំលង់ ដែលស្ថិតនៅភាគខាងជើងនៃព្រលានជល់ដំរី។
• បន្ទាប់មកទៀត បន្តទៅកាន់ភ្នំបាក់ខែង ដើម្បីឡើងភ្នំរង់ចាំទស្សនាទិដ្ឋភាពថ្ងៃលិចដ៏ស្រស់ត្រកាល។ ភ្នំបាក់ខែងគឺជាទីតាំងពេញនិយមបំផុតសម្រាប់ទស្សនាថ្ងៃលិច និងមើលទៅប្រាសាទអង្គរវត្តដែលស្ថិតនៅកណ្តាលព្រៃចម្ងាយប្រហែល ១.៥ គីឡូម៉ែត្រ។
• ពិសារអាហារពេលល្ងាច និងជូនដំណើរត្រឡប់ទៅសណ្ឋាគារវិញ

ជម្រើសបន្ថែម(មិនរាប់បញ្ចូល)

• របាំស្បែកធំ៖ បទពិសោធន៍នៃការនិទានរឿងបែបខ្មែរតាមរយៈសិល្បៈស្បែកដែលឆ្លាក់យ៉ាងប្រណីត។ បន្ទាប់ពីការសម្តែង លោកអ្នកអាចសាកល្បងលេងអាយ៉ងខ្សែបែបប្រពៃណីផងដែរ។ ម៉ោងសម្តែងគឺ ៧:០០ យប់

ថ្ងៃរះនៅអង្គរវត្ត – តំបន់អង្គរវង់ធំ

• ចាប់ផ្តើមដំណើរកម្សាន្តនាព្រលឹមស្រាងៗនៅម៉ោង ៤:៣០ ព្រឹក ដើម្បីទស្សនាទិដ្ឋភាពថ្ងៃរះនៅប្រាសាទអង្គរវត្ត ដែលជាបទពិសោធន៍ដ៏អស្ចារ្យមិនអាចបំភ្លេចបាន ខណៈពន្លឺព្រះអាទិត្យចាប់ផ្តើមបំភ្លឺតួប្រាសាទបន្តិចម្តងៗ។ បន្ទាប់ពីទស្សនាថ្ងៃរះរួច ត្រឡប់មកសណ្ឋាគារវិញដើម្បីពិសារអាហារពេលព្រឹក មុននឹងបន្តដំណើរកម្សាន្ត។
• ទស្សនាប្រាសាទបន្ទាយស្រី ដែលជាប្រាសាទដ៏មានប្រជាប្រិយបំផុតមួយក្នុងខេត្តសៀមរាប។ វាត្រូវបានគេស្គាល់ថាជា "ប្រាសាទស្រីគ្រប់លក្ខណ៍" ដែលកសាងឡើងពីថ្មភក់ពណ៌ផ្កាឈូក និងពណ៌ក្រហមនៅពាក់កណ្តាលសតវត្សទី១០ ដើម្បីឧទ្ទិសដល់ព្រះសិវៈក្នុងសាសនាហិណ្ឌូ។
• បន្តទៅទស្សនាប្រាសាទបន្ទាយសំរែ ដែលត្រូវបានកសាងឡើងក្នុងរជ្ជកាលព្រះបាទសូរ្យវរ្ម័នទី២ និងព្រះបាទយសោវរ្ម័នទី២ នៅដើមសតវត្សទី១២។
• ចូលទស្សនាភូមិព្រះដាក់ ដែលជាភូមិដ៏ស្រស់ស្អាត និងផ្តល់នូវបទពិសោធន៍ពិតៗក្នុងការស្វែងយល់ពីសម្រស់នៃវប្បធម៌ខ្មែរ។
• ពិសារអាហារពេលថ្ងៃត្រង់នៅភោជនីយដ្ឋានក្នុងស្រុក
• ទស្សនាប្រាសាទព្រះខ័ន ដែលកសាងឡើងដោយព្រះបាទជ័យវរ្ម័នទី៧ ដើម្បីឧទ្ទិសដល់ព្រះវរបិតារបស់ព្រះអង្គ។
• បន្តទៅទស្សនាប្រាសាទនាគព័ន្ធ ដែលជាប្រាសាទកោះតូចមួយស្ថិតនៅចំកណ្តាលបារាយណ៍ខាងជើង ដែលមានទំនាក់ទំនងជាមួយប្រាសាទព្រះខ័ន កសាងឡើងក្នុងរជ្ជកាលព្រះបាទជ័យវរ្ម័នទី៧។
• ចំណុចចុងក្រោយគឺការទស្សនាប្រាសាទប្រែរូប ដែលត្រូវបានកសាងឡើងនៅចុងសតវត្សទី១០ ដើម្បីឧទ្ទិសដល់អាទិទេពហិណ្ឌូ។ ឈ្មោះ "ប្រែរូប" ឆ្លុះបញ្ចាំងពីជំនឿទូទៅរបស់ប្រជាជនខ្មែរថា ទីនេះធ្លាប់ជាកន្លែងសម្រាប់រៀបចំពិធីបុណ្យសព។
• ពិសារអាហារពេលល្ងាច និងជូនដំណើរត្រឡប់ទៅសណ្ឋាគារវិញ

ជម្រើសបន្ថែម(មិនរាប់បញ្ចូល)

• ហ្វារសៀក (Phare Circus)៖ លើសពីសៀកធម្មតា សិល្បករកម្ពុជាបានបញ្ជូលគ្នានូវសិល្បៈល្ខោន តន្ត្រី របាំ និងសៀកបែបទំនើប ដើម្បីនិទានរឿងរ៉ាវរបស់កម្ពុជា រួមមានប្រវត្តិសាស្ត្រ រឿងព្រេងនិទាន និងជីវភាពរស់នៅបច្ចុប្បន្ន។ ម៉ោងសម្តែងគឺ ៨:០០ យប់

កំពង់ភ្លុក – សិប្បកម្មសូត្រអង្គរ

• ពិសារអាហារពេលព្រឹកនៅសណ្ឋាគារ
• ចាប់ផ្តើមទស្សនាកំពង់ភ្លុក ដែលជាភូមិបណ្តែតទឹក និងព្រៃលិចទឹកដ៏ស្រស់ស្អាតនៅបឹងទន្លេសាប។ ផ្ទះ និងអគារជាច្រើននៅទីនោះត្រូវបានសាងសង់លើសសរខ្ពស់ៗពី ៦ ម៉ែត្រ ទៅ ៩ ម៉ែត្រ ដើម្បីបត់បែនតាមការប្រែប្រួលនៃកម្ពស់ទឹកក្នុងរដូវប្រាំង និងរដូវវស្សា។
• ពិសារអាហារពេលថ្ងៃត្រង់នៅភោជនីយដ្ឋានក្នុងស្រុក
• ទៅទស្សនាសិប្បកម្មសូត្រអង្គរ (Angkor Silk Farm) ស្ថិតក្នុងស្រុកពួក ចម្ងាយប្រហែល ១៦ គីឡូម៉ែត្រពីក្រុងសៀមរាប។ ស្វែងយល់ពីរបៀបផលិតសូត្រ និងការត្បាញជាក្រណាត់សូត្របែបប្រពៃណីខ្មែរ។ ទីនេះក៏មានសាលតាំងបង្ហាញផលិតផលសូត្រដែលមានគុណភាពខ្ពស់ ដែលលោកអ្នកអាចទិញជាវត្ថុអនុស្សាវរីយ៍បានផងដែរ។
• ដើរទស្សនាផ្សារចាស់ ដើម្បីរកទិញវត្ថុអនុស្សាវរីយ៍ និងបទពិសោធន៍តថ្លៃទំនិញជាមួយអ្នកលក់ដូរដូចអ្នកស្រុកក្នុងតំបន់។
• ពិសារអាហារពេលល្ងាច និងជូនដំណើរទៅកាន់សណ្ឋាគារ

ជម្រើសបន្ថែម(មិនរាប់បញ្ចូល)

• ការជិះរទេះគោ៖ រីករាយនឹងការជិះរទេះគោរយៈពេល ៣០ នាទីនៅក្នុងភូមិបាគង ដើម្បីទស្សនាជីវភាពរស់នៅប្រចាំថ្ងៃរបស់អ្នកភូមិ។ លោកអ្នកនឹងបានឃើញវាលស្រែដ៏ស្រស់ស្អាត សកម្មភាពកសិកម្មតាមរដូវកាល និងសម្រស់ធម្មជាតិនៃជនបទខ្មែរ។ រទេះគោគឺជាផ្នែកមួយនៃវប្បធម៌ខ្មែរដ៏សំខាន់ និងជាមធ្យោបាយដឹកជញ្ជូនបែបប្រពៃណីតាំងពីបុរាណកាលមក។
• រៀនធ្វើម្ហូបខ្មែរ៖ ថ្នាក់រៀននេះចំណាយពេលប្រហែល ៣ ម៉ោង ដើម្បីរៀនចម្អិនម្ហូបខ្មែរជាមួយមេចុងភៅក្នុងស្រុក។ មេចុងភៅនឹងនាំលោកអ្នកទៅកាន់ផ្សារក្នុងស្រុកដើម្បីទិញបន្លែ ផ្លែឈើ និងគ្រឿងផ្សំផ្សេងៗ ដែលជាឱកាសដ៏ល្អក្នុងការស្វែងយល់ពីរបៀបរស់នៅរបស់ប្រជាជនក្នុងតំបន់។

សៀមរាប – អាកាសយានដ្ឋាន

• ពិសារអាហារពេលព្រឹកនៅសណ្ឋាគារ
• ជូនដំណើរទៅកាន់អាកាសយានដ្ឋានអន្តរជាតិសៀមរាបអង្គរ ដើម្បីរង់ចាំជើងហោះហើរត្រឡប់ទៅមាតុភូមិវិញ