មកដល់អាកាសយានដ្ឋានអន្តរជាតិសៀមរាបអង្គរ

• ធ្វើដំណើរមកដល់អាកាសយាន្តដ្ឋានអន្តរជាតិសៀមរាបអង្គរ
• ទទួលស្វាគមន៍ពីមគ្គុទេសក៍ភាសាអង់គ្លេស ហើយធ្វើដំណើរទៅកាន់ខេត្តសៀមរាប
• ដើរកម្សាន្តពេលរាត្រីដោយសេរីនៅផាប់ស្ត្រីត គឺជាកន្លែងកម្សាន្តពេលយប់ដ៏ពេញនិយមបំផុតក្នុងក្រុងសៀមរាប

សៀមរាប – អង្គរវត្ត – តំបន់វង់តូច

• ពិសារអាហារពេលព្រឹកនៅសណ្ឋាគារ
• ចាប់ផ្តើមទស្សនាប្រាសាទអង្គរវត្តដ៏ស្កឹមស្កៃ ដែលជាមហានគរវត្តដ៏ធំបំផុតក្នុងលោក។ ប្រាសាទនេះត្រូវបានកសាងឡើងនៅដើមសតវត្សទី១២ ដោយព្រះបាទសូរ្យវរ្ម័នទី២ ដើម្បីឧទ្ទិសដល់ព្រះវិស្ណុក្នុងសាសនាហិណ្ឌូ ហើយក្រោយមកបានក្លាយជាវត្តអារាមក្នុងព្រះពុទ្ធសាសនា។
• ទស្សនាប្រាសាទតាព្រហ្មដ៏អស្ចារ្យ ដែលមានភាពល្បីល្បាញដោយសារឫសឈើធំៗដុះព័ទ្ធរុំជុំវិញតួប្រាសាទ។
• ពិសារអាហារពេលថ្ងៃត្រង់នៅភោជនីយដ្ឋានដែលមានផាសុកភាព និងអនាម័យ
• ទៅទស្សនាខ្លោងទ្វារទន្លេអុំ (ខ្លោងទ្វារខាងត្បូង) នៃក្រុងអង្គរធំ ដែលជារាជធានីចុងក្រោយនៃអាណាចក្រខ្មែរ កសាងឡើងដោយព្រះបាទជ័យវរ្ម័នទី៧ នៅចុងសតវត្សទី១២។
• បន្ទាប់មក ទស្សនាប្រាសាទបាយ័ន ដែលជាប្រាសាទព្រះពុទ្ធសាសនាដ៏ប្រណីត កសាងនៅចុងសតវត្សទី១២ ឬដើមសតវត្សទី១៣ ជាប្រាសាទរដ្ឋរបស់ព្រះបាទជ័យវរ្ម័នទី៧។
• ទស្សនាប្រាសាទបាពួន ជាប្រាសាទហិណ្ឌូដែលកសាងឡើងនៅពាក់កណ្តាលសតវត្សទី១១ (មុនប្រាសាទអង្គរវត្ត)។
• ទស្សនាប្រាសាទភិមានអាកាស ដែលមានរាងជាពីរ៉ាមីត កសាងនៅចុងសតវត្សទី១០ ស្ថិតនៅក្នុងបរិវេណព្រះបរមរាជវាំងចាស់នៃក្រុងអង្គរធំ។
• ទស្សនាព្រលានជល់ដំរី ដែលជាផ្នែកមួយនៃក្រុងអង្គរធំ ប្រើប្រាស់ដោយព្រះបាទជ័យវរ្ម័នទី៧ ជាវេទិកាសម្រាប់ទតកងទ័ពដែលវិលត្រឡប់មកវិញដោយជោគជ័យ។
• បន្ទាប់មកទស្សនាព្រលានស្តេចគំលង់ ដែលស្ថិតនៅភាគខាងជើងនៃព្រលានជល់ដំរី។
• បន្ទាប់មកទៀត បន្តទៅកាន់ភ្នំបាក់ខែង ដើម្បីឡើងភ្នំរង់ចាំទស្សនាទិដ្ឋភាពថ្ងៃលិចដ៏ស្រស់ត្រកាល។ ភ្នំបាក់ខែងគឺជាទីតាំងពេញនិយមបំផុតសម្រាប់ទស្សនាថ្ងៃលិច និងមើលទៅប្រាសាទអង្គរវត្តដែលស្ថិតនៅកណ្តាលព្រៃចម្ងាយប្រហែល ១.៥ គីឡូម៉ែត្រ។
• ពិសារអាហារពេលល្ងាច និងជូនដំណើរត្រឡប់ទៅសណ្ឋាគារវិញ

ជម្រើសបន្ថែម(មិនរាប់បញ្ចូល)

• ហ្វារសៀក (Phare Circus)៖ លើសពីសៀកធម្មតា សិល្បករកម្ពុជាបានបញ្ជូលគ្នានូវសិល្បៈល្ខោន តន្ត្រី របាំ និងសៀកបែបទំនើប ដើម្បីនិទានរឿងរ៉ាវរបស់កម្ពុជា រួមមានប្រវត្តិសាស្ត្រ រឿងព្រេងនិទាន និងជីវភាពរស់នៅបច្ចុប្បន្ន។ សិល្បករវ័យក្មេងនឹងធ្វើឱ្យលោកអ្នកភ្ញាក់ផ្អើលជាមួយនឹងថាមពល អារម្មណ៍ និងទេពកោសល្យ ដែលផ្តល់នូវបទពិសោធន៍វប្បធម៌មិនអាចបំភ្លេចបាន។ ម៉ោងសម្តែងគឺ ៨:០០ យប់
• របាំស្បែកធំ៖ បទពិសោធន៍នៃការនិទានរឿងបែបខ្មែរតាមរយៈសិល្បៈស្បែកដែលឆ្លាក់យ៉ាងប្រណីត ដោយប្រើប្រាស់ពន្លឺ និងស្រមោល។ នេះគឺជាសិល្បៈបុរាណដ៏មានតម្លៃរបស់កម្ពុជា។ បន្ទាប់ពីការសម្តែង លោកអ្នកអាចសាកល្បងលេងអាយ៉ងខ្សែបែបប្រពៃណីផងដែរ។ ម៉ោងសម្តែងគឺ ៧:០០ យប់

សៀមរាប – សិប្បកម្មសូត្រ – កំពង់ភ្លុក

• ពិសារអាហារពេលព្រឹកនៅសណ្ឋាគារ
• ចាប់ផ្តើមទស្សនាកំពង់ភ្លុក ដែលជាភូមិបណ្តែតទឹក និងព្រៃលិចទឹកដ៏ស្រស់ស្អាតនៅបឹងទន្លេសាប។ ផ្ទះ និងអគារជាច្រើននៅទីនោះត្រូវបានសាងសង់លើសសរខ្ពស់ៗពី ៦ ម៉ែត្រ ទៅ ៩ ម៉ែត្រ ដើម្បីបត់បែនតាមការប្រែប្រួលនៃកម្ពស់ទឹកក្នុងរដូវប្រាំង និងរដូវវស្សា។
• ពិសារអាហារពេលថ្ងៃត្រង់នៅភោជនីយដ្ឋានក្នុងស្រុក
• ទៅទស្សនាសិប្បកម្មសូត្រអង្គរ (Angkor Silk Farm) ស្ថិតក្នុងស្រុកពួក ចម្ងាយប្រហែល ១៦ គីឡូម៉ែត្រពីក្រុងសៀមរាប។ ស្វែងយល់ពីរបៀបផលិតសូត្រ និងការត្បាញជាក្រណាត់សូត្របែបប្រពៃណីខ្មែរ។ ទីនេះក៏មានសាលតាំងបង្ហាញផលិតផលសូត្រដែលមានគុណភាពខ្ពស់ ដែលលោកអ្នកអាចទិញជាវត្ថុអនុស្សាវរីយ៍បានផងដែរ។
• ដើរទស្សនាផ្សារចាស់ ដើម្បីរកទិញវត្ថុអនុស្សាវរីយ៍ និងបទពិសោធន៍តថ្លៃទំនិញជាមួយអ្នកលក់ដូរដូចអ្នកស្រុកក្នុងតំបន់។
• ពិសារអាហារពេលល្ងាច និងជូនដំណើរទៅកាន់សណ្ឋាគារ

ជម្រើសបន្ថែម(មិនរាប់បញ្ចូល)

• ការជិះរទេះគោ៖ រីករាយនឹងការជិះរទេះគោរយៈពេល ៣០ នាទីនៅក្នុងភូមិបាគង ដើម្បីទស្សនាជីវភាពរស់នៅប្រចាំថ្ងៃរបស់អ្នកភូមិ។ លោកអ្នកនឹងបានឃើញវាលស្រែដ៏ស្រស់ស្អាត សកម្មភាពកសិកម្មតាមរដូវកាល និងសម្រស់ធម្មជាតិនៃជនបទខ្មែរ។ រទេះគោគឺជាផ្នែកមួយនៃវប្បធម៌ខ្មែរដ៏សំខាន់ និងជាមធ្យោបាយដឹកជញ្ជូនបែបប្រពៃណីតាំងពីបុរាណកាលមក។
• រៀនធ្វើម្ហូបខ្មែរ៖ ថ្នាក់រៀននេះចំណាយពេលប្រហែល ៣ ម៉ោង ដើម្បីរៀនចម្អិនម្ហូបខ្មែរជាមួយមេចុងភៅក្នុងស្រុក។ មេចុងភៅនឹងនាំលោកអ្នកទៅកាន់ផ្សារក្នុងស្រុកដើម្បីទិញបន្លែ ផ្លែឈើ និងគ្រឿងផ្សំផ្សេងៗ ដែលជាឱកាសដ៏ល្អក្នុងការស្វែងយល់ពីរបៀបរស់នៅរបស់ប្រជាជនក្នុងតំបន់។
• ហ្វារសៀក (Phare Circus)៖ លើសពីសៀកធម្មតា សិល្បករកម្ពុជាបានបញ្ជូលគ្នានូវសិល្បៈល្ខោន តន្ត្រី របាំ និងសៀកបែបទំនើប ដើម្បីនិទានរឿងរ៉ាវរបស់កម្ពុជា រួមមានប្រវត្តិសាស្ត្រ រឿងព្រេងនិទាន និងជីវភាពរស់នៅបច្ចុប្បន្ន។ ម៉ោងសម្តែងគឺ ៨:០០ យប់

ភ្នំពេញ – អាកាសយានដ្ឋាន

• ពិសារអាហារពេលព្រឹកនៅសណ្ឋាគារ
• ជូនដំណើរទៅកាន់អាកាសយានដ្ឋានអន្តរជាតិសៀមរាបអង្គរ ដើម្បីរង់ចាំជើងហោះហើរត្រឡប់ទៅមាតុភូមិវិញ