ភ្នំពេញ – បាត់ដំបង – ឡូរី (Bamboo Train) – ភូមិស្មូនឆ្នាំង – រយះពេល ៥ ថ្ងៃ

មកដល់រាជធានីភ្នំពេញ

• មកដល់រាជធានីភ្នំពេញ តាមរយៈអាកាសយានដ្ឋានអន្តរជាតិតេជោ។
• ជួបទទួលស្វាគមន៍ដោយមគ្គុទ្ទេសក៍ទេសចរណ៍និយាយភាសាអង់គ្លេស និងជូនដំណើរទៅកាន់សណ្ឋាគារក្នុងរាជធានីភ្នំពេញ។
• រីករាយជាមួយការកម្សាន្តពេលរាត្រីនៅតំបន់ផ្លូវដើរ (Walk Street) តាមស្ទីលផ្ទាល់ខ្លួន ដែលជាឋានសួគ៌អាហារសម្រាប់ភ្លក់រសជាតិម្ហូបខ្មែរចម្រុះ និងរស់នៅបែបអ្នកក្នុងស្រុក។

ទស្សនកិច្ចក្នុងរាជធានីភ្នំពេញ

• ពិសារអាហារពេលព្រឹកនៅសណ្ឋាគារ
• ចាប់ផ្តើមទស្សនាវត្តភ្នំដូនពេញ ដែលជាវត្តព្រះពុទ្ធសាសនានិមិត្តរូបនៃឈ្មោះរាជធានីភ្នំពេញ។ វត្តភ្នំមានកម្ពស់ ២៧ ម៉ែត្រ ស្ថិតនៅលើភ្នំសិប្បនិម្មិត និងជាវត្តដ៏មានសារៈសំខាន់បំផុតក្នុងភ្នំពេញ។
• ឈប់ថតរូបនៅវិមានឯករាជ្យ ដែលត្រូវបានសាងសង់ក្នុងឆ្នាំ ១៩៥៨ ដើម្បីរំលឹកដល់ឯករាជ្យភាពរបស់កម្ពុជាពីប្រទេសបារាំងក្នុងឆ្នាំ ១៩៥៣។
• បន្តទៅទស្សនាព្រះបរមរាជវាំងនៃព្រះរាជាណាចក្រកម្ពុជា ដែលជាបណ្តុំអគារបម្រើដល់ការគង់នៅរបស់ព្រះមហាក្សត្រខ្មែរ។
• ទស្សនាព្រះទីនាំងវិនិច្ឆ័យ និងព្រះវិហារប្រាក់ ដែលជាចំណុចលេចធ្លោមិនអាចរំលងបាន។ ព្រះវិហារប្រាក់ ឬហៅជាផ្លូវការថា ព្រះវិហារព្រះកែវមរកត គឺជាវត្តដែលតម្កល់នូវបណ្តុំរូបបដិមាករ និងវត្ថុបុរាណមិនអាចកាត់ថ្លៃបាន រួមទាំងព្រះកែវមរកតដ៏ល្បីល្បាញ ហើយកម្រាលឥដ្ឋត្រូវបានក្រាលដោយការ៉ូប្រាក់ជាង ៥,០០០ បន្ទះ។
• ទស្សនាសារមន្ទីរជាតិ ដែលជាសារមន្ទីរប្រវត្តិសាស្ត្រវប្បធម៌ដ៏ធំជាងគេរបស់កម្ពុជា និងជាសារមន្ទីរឈានមុខគេផ្នែកប្រវត្តិសាស្ត្រ និងបុរាណវិទ្យា។
• ពិសារអាហារថ្ងៃត្រង់នៅភោជនីយដ្ឋានក្នុងស្រុក
• ទស្សនាសារមន្ទីរឧក្រិដ្ឋកម្មប្រល័យពូជសាសន៍ទួលស្លែង ដែលជាកន្លែងកត់ត្រាអំពីអំពើប្រល័យពូជសាសន៍នៅកម្ពុជា។ ទីតាំងនេះធ្លាប់ជាអតីតសាលាមធ្យមសិក្សា ដែលត្រូវបានរបបខ្មែរក្រហមប្រើប្រាស់ជាមន្ទីរសន្តិសុខ ២១ (S21) ចាប់ពីឆ្នាំ ១៩៧៥ រហូតដល់ការដួលរលំក្នុងឆ្នាំ ១៩៧៩។
• ទីតាំងចុងក្រោយគឺវាលពិឃាតជើងឯក ដែលមានចម្ងាយ ១៥ គីឡូម៉ែត្រពីភ្នំពេញ ដែលពីមុនធ្លាប់ជាចម្ការឈើហូបផ្លែ និងជាទីសុសានរបស់ជនជាតិចិន។ វាត្រូវបានប្រើប្រាស់ដោយរបបខ្មែរក្រហមជាទីតាំងសម្រាប់សម្លាប់មនុស្ស និងកប់សពក្នុងរណ្តៅរួមរាប់ពាន់នាក់ ចន្លោះឆ្នាំ ១៩៧៥ និង ១៩៧៩។
• ពិសារអាហារពេលល្ងាច រួចត្រឡប់ទៅសណ្ឋាគារវិញ។

ជម្រើសបន្ថែម(មិនរាប់បញ្ចូល)

• រីករាយជាមួយការជិះទូកកម្សាន្តមើលថ្ងៃលិចនៅចំណុចប្រសព្វនៃទន្លេមេគង្គ ទន្លេសាប និងទន្លេបាសាក់ នៅចំពីមុខព្រះបរមរាជវាំង ដើម្បីទស្សនាទិដ្ឋភាពអគារខ្ពស់ៗនៃរាជធានីភ្នំពេញយ៉ាងស្រស់ត្រកាល។

ភ្នំពេញ – ភូមិសូនរូបឆ្នាំង – ភ្នំសំពៅ – បាត់ដំបង

• ពិសារអាហារពេលព្រឹកនៅសណ្ឋាគារ
• ចាប់ផ្តើមធ្វើដំណើរឆ្ពោះទៅកាន់ខេត្តបាត់ដំបង។
• ឈប់ទស្សនាសិក្ខាសាលាសិប្បកម្មកុលាលភាជន៍ក្នុងខេត្តកំពង់ឆ្នាំង ដែលជាតំបន់ល្បីល្បាញខាងប្រពៃណីធ្វើឆ្នាំងដីរាប់រយឆ្នាំមកហើយ។ ទស្សនាអ្នកជំនាញសូនដីឥដ្ឋឱ្យក្លាយជាវត្ថុប្រើប្រាស់យ៉ាងស្អាតៗ និងរៀនសូត្រពីបច្ចេកទេសបុរាណដែលបានផ្ទេរពីជំនាន់មួយទៅជំនាន់មួយ។
• ពិសារអាហារថ្ងៃត្រង់នៅភោជនីយដ្ឋានក្នុងស្រុក រួចបន្តដំណើរទៅកាន់ខេត្តបាត់ដំបង។
• ឈ្មោះ "បាត់ដំបង" មានន័យចំថា "ដំបងដែលបានបាត់" ដែលយោងទៅតាមរឿងព្រេងក្នុងប្រវត្តិសាស្ត្រខ្មែរ អំពីស្តេចដំបងគ្រញូងដែលបានគ្រវែងដំបងឈើពីតំបន់អង្គរ ហើយត្រូវបានគេនិយាយថាបានធ្លាក់មកចំទីនេះ។ រឿងព្រេងនេះត្រូវបានរំលឹកឡើងតាមរយៈរូបសំណាកខ្មៅដ៏ធំនៃស្តេចកាន់ដំបងមន្តអាគម ដែលឈរយ៉ាងអង់អាចនៅចំកណ្តាលក្រុង។
• នៅពេលមកដល់ខេត្តបាត់ដំបង ឆ្ពោះទៅកាន់ភ្នំសំពៅ ដើម្បីទស្សនាល្អាងសម្លាប់មនុស្ស និងស្ដាប់រឿងរ៉ាវក្នុងរបបខ្មែរក្រហម (១៩៧៥-១៩៧៩) ដែលមានជនរងគ្រោះជាង ១ ម៉ឺននាក់ត្រូវបានសម្លាប់។ បន្ទាប់មក ដើរទស្សនាវត្តអារាម រូបបដិមាករ និងរីករាយជាមួយទិដ្ឋភាពបែបប៉ាណូរ៉ាម៉ាដ៏ស្រស់ត្រកាលពីលើកំពូលភ្នំសំពៅ។
• ចុះមកកាន់ជើងភ្នំសំពៅវិញ ដើម្បីរង់ចាំមើលហ្វូងសត្វប្រចៀវរាប់លានក្បាលហោះចេញពីល្អាង (ល្អាងប្រចៀវ) នាពេលថ្ងៃលិច ដើម្បីផ្តិតយករូបភាពដ៏អស្ចារ្យ និងបង្កើតនូវការចងចាំដែលមិនអាចបំភ្លេចបាន។
• ពិសារអាហារពេលល្ងាចនៅភោជនីយដ្ឋានក្នុងស្រុក រួចធ្វើការឆែកអ៊ីន (Check-in) ចូលស្នាក់នៅសណ្ឋាគារ។ ស្នាក់នៅមួយយប់ក្នុងខេត្តបាត់ដំបង។

ជម្រើសបន្ថែម(មិនរាប់បញ្ចូល)

• ទស្សនាការសម្តែងសៀកនៅសមាគមហ្វារពន្លឺសិល្បៈ (Phare Ponleu Selpak)។

បាត់ដំបង – ឡូរី (Bamboo Train) – ភ្នំពេញ

• ពិសារអាហារពេលព្រឹកនៅសណ្ឋាគារ
• ទស្សនកិច្ចក្នុងក្រុង និងស្វែងយល់ពីវប្បធម៌ សាសនា កសិកម្ម និងរឿងព្រេងនិទានរបស់ខេត្តបាត់ដំបង។
• ទស្សនាគ្រួសារអ្នកភូមិដែលប្រកបរបរធ្វើដំណាប់ចេក និងសន្លឹកនំបញ្ចុក។
• ទៅទស្សនារូបសំណាកនិមិត្តរូប លោកតាដំបងគ្រញូង។
• ទស្សនាផ្ទះបុរាណខ្មែរ និងផ្ទះបុរាណប្រភេទ "ផ្ទះប៉ិត"។
• បន្តដំណើរទៅកាន់ភូមិដ្ឋានដែលហ៊ុមព័ទ្ធដោយវាលស្រែ រួចឡើងជិះឡូរី (Bamboo Train) កម្សាន្ត។
• ពិសារអាហារថ្ងៃត្រង់នៅភោជនីយដ្ឋានក្នុងស្រុក។
• ធ្វើដំណើរចាកចេញពីខេត្តបាត់ដំបង ឆ្ពោះមករាជធានីភ្នំពេញ។
• នៅពេលមកដល់ភ្នំពេញ ពិសារអាហារពេលល្ងាច រួចជូនដំណើរទៅកាន់សណ្ឋាគារ។
• រីករាយជាមួយការកម្សាន្តពេលរាត្រីក្នុងរាជធានីភ្នំពេញ។

ភ្នំពេញ – អាកាសយានដ្ឋាន

• ពិសារអាហារពេលព្រឹកនៅសណ្ឋាគារ
• ជូនដំណើរទៅកាន់អាកាសយានដ្ឋានអន្តរជាតិតេជោ ដើម្បីរង់ចាំជើងហោះហើរត្រឡប់ទៅមាតុភូមិវិញ ដោយសុវត្ថិភាព