ភ្នំពេញ – សៀមរាប – ដំណើរកម្សាន្ត ៥ ថ្ងៃ

មកដល់រាជធានីភ្នំពេញ

• មកដល់អាកាសយានដ្ឋានអន្តរជាតិតេជោ ក្រុងភ្នំពេញ
• ជួបស្វាគមន៍ជាមួយមគ្គុទ្ទេសក៍ទេសចរណ៍ភាសាអង់គ្លេស និងជូនដំណើរទៅកាន់សណ្ឋាគារក្នុងរាជធានីភ្នំពេញ
• រីករាយជាមួយជីវភាពពេលរាត្រីនៅតំបន់ផ្លូវដើរ (Walk Street) តាមបែបបទរបស់អ្នក ដែលជាឋានសួគ៌នៃអាហារ និងអាចភ្លក់មុខម្ហូបខ្មែរយ៉ាងសម្បូរបែបដូចអ្នកស្រុកក្នុងតំបន់។

ភ្នំពេញ – ទស្សនកិច្ចក្នុងក្រុង – សៀមរាប

• ទទួលទានអាហារពេលព្រឹកនៅសណ្ឋាគារ
• ចាប់ផ្ដើមទស្សនាវត្តភ្នំដូនពេញ ដែលជាវត្តអារាមតំណាងឱ្យឈ្មោះនៃរាជធានីភ្នំពេញ។ វត្តភ្នំមានកម្ពស់ ២៧ ម៉ែត្រ នៅលើភ្នំដែលសាងសង់ដោយមនុស្ស និងជាទីសក្ការៈដ៏សំខាន់បំផុតក្នុងរាជធានីភ្នំពេញ។
• ឈប់ថតរូបនៅវិមានឯករាជ្យ ដែលត្រូវបានសាងសង់ឡើងក្នុងឆ្នាំ ១៩៥៨ ដើម្បីរំលឹកដល់ឯករាជ្យភាពរបស់កម្ពុជាពីប្រទេសបារាំងក្នុងឆ្នាំ ១៩៥៣។
• ទៅទស្សនាព្រះបរមរាជវាំងនៃព្រះរាជាណាចក្រកម្ពុជា ដែលជាបណ្ដុំអាគារបម្រើដល់ការគង់នៅរបស់ព្រះមហាក្សត្រកម្ពុជា។
• ទស្សនាព្រះទីនាំងទេវាវិនិច្ឆ័យ និងព្រះវិហារព្រះកែវមរកត ដែលជាទីតាំងសំខាន់មិនអាចរំលងបាន។ ព្រះវិហារព្រះកែវមរកត ជាវត្តហ្លួងដែលតម្កល់ទុកនូវបណ្តុំរូបបដិមាព្រះពុទ្ធ និងវត្ថុបុរាណមានតម្លៃមិនអាចកាត់ថ្លៃបាន រួមទាំងព្រះកែវមរកតដ៏ល្បីល្បាញ ហើយកម្រាលឥដ្ឋត្រូវបានក្រាលដោយការ៉ូប្រាក់ជាង ៥,០០០ ផ្ទាំង។
• ទស្សនាសារមន្ទីរជាតិ ដែលជាសារមន្ទីរប្រវត្តិសាស្ត្រវប្បធម៌ដ៏ធំបំផុតរបស់កម្ពុជា និងជាសារមន្ទីរប្រវត្តិសាស្ត្រ និងបុរាណវិទ្យាឈានមុខគេរបស់ប្រទេស។
• ទទួលទានអាហារថ្ងៃត្រង់នៅភោជនីយដ្ឋានក្នុងស្រុក
• ចាកចេញពីរាជធានីភ្នំពេញទៅកាន់ខេត្តសៀមរាប ដោយឈប់សម្រាកនៅស្រុកស្គន់ ដែលត្រូវបានគេស្គាល់ថាជា "ភូមិអាពីង"។ ផ្សារតូចមួយនេះល្បីល្បាញដោយសារអាហារសម្រន់ប្លែកៗពីសត្វល្អិត រួមមានអាពីងបំពង និងខ្ទួយបំពង។ ការសាកល្បងអាហារសម្រន់ទាំងនេះ ផ្តល់នូវទិដ្ឋភាពគួរឱ្យចាប់អារម្មណ៍នៃវប្បធម៌អាហារក្នុងស្រុក និងការទទួលទានបែបផ្សងព្រេង។
• ពេលមកដល់ខេត្តសៀមរាប ទទួលទានអាហារពេលល្ងាចនៅភោជនីយដ្ឋានក្នុងស្រុក និងជូនដំណើរទៅកាន់សណ្ឋាគារដើម្បីធ្វើការចុះឈ្មោះចូលសម្រាក
• រីករាយជាមួយជីវភាពពេលរាត្រីនៅ ផាប់ស្ទ្រីត (Pub Street) ដែលជាមជ្ឈមណ្ឌលកម្សាន្តដ៏មមាញឹកនៅពេលយប់ក្នុងក្រុងសៀមរាប

សៀមរាប - អង្គរវត្ត - វង់តូច

• ពិសាអាហារពេលព្រឹកនៅសណ្ឋាគារ
• ចាប់ផ្ដើមទៅទស្សនា ប្រាសាទអង្គរវត្ត គឺជាប្រាសាទមួយដ៏អស្ចារ្យក្នុងប្រទេសកម្ពុជា និងជាបូជនីយដ្ឋានសាសនាដ៏ធំបំផុតក្នុងពិភពលោក ដែលបានសាងសង់ឡើងនៅដើមសតវត្សទី១២ ដោយព្រះបាទសូរ្យវរ័្មនទី២ ជាប្រាសាទព្រហ្មញ្ញសាសនាឧទ្ទិសដល់ព្រះវិស្ណុសម្រាប់អាណាចក្រខ្មែរ ហើយបានផ្លាស់ប្ដូរបន្តិចម្ដងៗទៅជាប្រាសាទព្រះពុទ្ធសាសនា។
• ទស្សនាប្រាសាទ តាព្រហ្ម ដែលល្បីដោយសារមានដើមឈើធំៗដុះក្រសោបនៅលើប្រាសាទ
• ពិសាអាហារថ្ងៃត្រង់
• ទៅទស្សនា ក្លោងទ្វារខាងត្បូងនៃរាជធានីអង្គរធំ ដែលជារាជធានីចុងក្រោយនៃអាណាចក្រខ្មែរ។ ទីក្រុងដ៏រឺងមាំនេះត្រូវបានកសាងឡើងដោយព្រះបាទជ័យវរ័្មនទី៧ នៅចុងសតវត្សទី១២។
• បន្ទាប់មកទៅទស្សនា ប្រាសាទបាយ័ន គឺជាប្រាសាទខ្មែរដែលមានការតុបតែងយ៉ាងសម្បូរបែប និងមានការផ្សាភ្ជាប់ជាមួយព្រះពុទ្ធសាសនា។ ប្រាសាទនេះត្រូវបានកសាងឡើងនៅចុងសតវត្សទី១២ ឬដើមសតវត្សទី១៣ ជាប្រាសាទរដ្ឋរបស់ព្រះបាទជ័យវរ័្មនទី៧។
• ទៅទស្សនា ប្រាសាទបាពួន គឺជាប្រាសាទព្រហ្មញ្ញសាសនា ដែលបានកសាងឡើងនៅពាក់កណ្ដាលសតវត្សទី១១ មុនប្រាសាទអង្គរវត្ត។
• បន្តទៅទស្សនា ប្រាសាទភិមានអាកាស គឺជាប្រាសាទព្រហ្មញ្ញសាសនាមានរាងពីរ៉ាមីត ដែលបានកសាងឡើងនៅចុងសតវត្សទី១០ និងមានទីតាំងនៅក្នុងបរិវេណព្រះបរមរាជវាំងបុរាណនៃរាជធានីអង្គរធំ។
• ទស្សនា លានជល់ដំរី ស្ថិតនៅក្នុងរាជធានីអង្គរធំ ដែលព្រះបាទជ័យវរ័្មនទី៧ប្រើប្រាស់សម្រាប់មើលកងទ័ពរបស់ទ្រង់ត្រលប់មកវិញ បន្ទាប់ពីទទួលបានជ័យជំនះ។
• បន្ទាប់មកទៀតទៅទស្សនា ទីលានស្ដេចគម្លង់ ដែលមានទីតាំងខាងជើងក្បែរទីលានជល់ដំរី។
• ក្រោយមកទៀត ធ្វើដំណើរឡើងទៅ ប្រាសាទភ្នំបាខែង ហើយរងចាំមើលថ្ងៃលិចនៅលើកំពូលភ្នំ។ ភ្នំបាខែង គឺជាកន្លែងមើលថ្ងៃលិចដ៏ពេញនិយមបំផុតនៅតំបន់អង្គរ ដែលស្ថិតនៅកណ្ដាលព្រៃចម្ងាយប្រហែល ១.៥គីឡូម៉ែត្រពីភាគអាគ្នេយ៍នៃប្រាសាទអង្គរវត្ត។
• ពិសាអាហារពេលល្ងាច ហើយជូនទៅសម្រាកនៅសណ្ឋាគារ

ជម្រើសបន្ថែម(មិនរាប់បញ្ចូល)

• Phare Circus: ការសម្ដែងសៀក ដែលលាយបញ្ចូលគ្នានូវតន្ត្រី ការរាំ និងសិល្បៈសៀកទំនើប ដើម្បីប្រាប់ពីរឿងអតីតកាល និងបច្ចុប្បន្នរបស់ប្រទេសកម្ពុជា។ អ្នកសម្ដែងក្មេងៗនឹងធ្វើឲ្យអ្នកមានអារម្មណ៍ភ្ញាក់ផ្អើលជាមួយថាមពល និងភាពប៉ិនប្រសប់របស់ពួកគេ ដែលផ្ដល់នូវបទពិសោធន៍មិនអាចបំភ្លេចបាន។ ម៉ោងសម្ដែង ២០ៈ០០នាទី
• ល្ខោនស្រមោលស្បែកធំៈ ទស្សនារឿងព្រេងខ្មែរ ដោយប្រើស្រមោលស្បែកដែលបានឆ្លាក់ជាផ្ទាំងរូបភាព ហើយសិល្បៈបុរាណខ្មែរមួយនេះនឹងត្រូវបានបង្ហាញនៅលើឆាក។ បន្ទាប់ពីការសម្ដែង អ្នកអាចសាកល្បងប្រើខ្សែរឧបករណ៍ស្បែកនោះបាន។ ម៉ោងសម្ដែង ១៩ៈ០០នាទី

សៀមរាប - កំពង់ភ្លុក - ភ្នំពេញ

• ពិសាអាហារពេលព្រឹកនៅសណ្ឋាគារ
• ទស្សនា Artisans Angkor ក្នុងខេត្តសៀមរាប ដែលជាកន្លែងរក្សាសិប្បកម្មបុរាណខ្មែរឲ្យនៅគង់វង្ស។ សិប្បករមានជំនាញធ្វើឧបករណ៍ស្អាតៗ ដូចជាឆ្លាក់ថ្ម និងឈើ ការលាបពណ៌ និងតុបតែង និងតម្បាញសូត្រតាមបែបប្រពៃណី។ វាគឺជាកន្លែងល្អមួយដើម្បីស្វែងយលអំពីវប្បធម៌របស់កម្ពុជា។
• បន្តទៅទស្សនា សហគមន៍កំពង់ភ្លុក គឺជាភូមិបណ្ដែតទឹក និងព្រៃកោងកាងលិចទឹកនៅបឹងទន្លេសាប។ មានផ្ទះ និងអគារជាច្រើនបានសាងសង់នៅលើសរសរខ្ពស់ៗចាប់ពី ៦-៩ម៉ែត្រ ដើម្បីសម្របទៅតាមកម្រិតទឹកនៅរដូវប្រាំង និងរដូវវស្សា។
• ពិសាអាហារថ្ងៃត្រង់ ហើយធ្វើដំណើរទៅកាន់ទីក្រុងភ្នំពេញ
• នៅពេលដល់ភ្នំពេញ ពិសាអាហារពេលល្ងាច ហើយជូនទៅសម្រាកនៅសណ្ឋាគារ
• ដើរកម្សាន្តលេងនាពេលរាត្រីដោយសេរីនៅទីក្រុងភ្នំពេញ

ជម្រើសបន្ថែម(មិនរាប់បញ្ចូល)

• ជិះរទេះគោៈ រីករាយការជិះរទេះគោរយៈពេល៣០នាទីនៅក្នុងភូមិបាគង ដែលអ្នកអាចមើលឃើញជីរវិតរស់នៅប្រចាំថ្ងៃរបស់អ្នកស្រុក។ នៅតាមផ្លូវ ទស្សនាទេសភាពវាលស្រែ សកម្មភាពកសិកម្មតាមរដូវ និងសម្រស់ធម្មជាតិតាមជនបទរបស់ប្រទេសកម្ពុជា។ រទេះគោគឺជាផ្នែកមួយនៃវប្បធម៌ខ្មែរតាំងពីយូរលង់ណាស់មកហើយ ដែលប្រើប្រាស់ជាមធ្យោបាយដឺកជញ្ជូនតាមបែបប្រពៃណីរបស់ប្រជាជនខ្មែរតាំងពីបុរាណកាល។

ភ្នំពេញ - អាកាសយានដ្ឋាន

• ពិសាអាហារពេលព្រឹកនៅសណ្ឋាគារ
• ធ្វើដំណើរទៅកាន់អាកាសយានដ្ឋានអន្តរជាតិតេជោ ដើម្បីធ្វើដំណើរទៅកាន់ប្រទេសរបស់អ្នកវិញ